Avreisedag

I ettermiddag lettar flyet frå Flesland, vi (Synnøve, Turid og eg) reiser via Amsterdam og Nairobi og kjem til Lusaka i morgon tidleg kl 9:50.
Hektisk pakkeverksemd no, det handlar mest om fjerna ting og tang frå ein altfor tung koffert. Trur det blir vanskeleg å unngå overvekt, håpar KLM er litt romslege..
Ferda går vidare frå Lusaka natt til fredag, då tar vi ein (som regel) overfylt buss nordover mot Mbala.
Planen er å møta vår kjære ven, Mr. Zimba, i Mpika, og tilbringa helga ved Kapishya Hot Springs saman med han. Zimba administrerer mikrokredittfondet vi har oppretta i Mbala, og vi vil bruka helga til å evaluera ordninga. Rapportar så langt tyder på at fondet fungerer kjempebra, sjølv om det ikkje er så mange låntakarar enno.
Vi ser fram til hektiske dagar i Mbala neste veke, det blir kjekt å treffa att lærarar og studentar ved Mbala High School. Synnøve og Turid blir verande ei veke i Mbala før dei reiser sørover til Livingstone. Sjølv blir eg verande 5 veker til i nord, truleg med hovudbase i Kasama.
Så sant det er råd, vil det koma meir her..

Annbjørg